Witajśo k nam!

Sorabistika jo wědomnosć, kenž se zaběra ze serbskima rěcoma, serbskeju literaturu a kulturu. Stawizny institucionalneje sorabistiki w Nimskej su se zachopili ze załoženim Instituta za serbske ludowe slěźenje w Budyšynje a Serbskego instituta w Lipsku w 1950tych lětach. Toś to slěźeńske pólo w zwisku z fachoweju didaktiku za ceptarstwo a bachelorowym a masterowym studiumom na Lipsčańskej uniwersiśe jo na cełem swěśe jadnorazowe.

Kwalificěrowane a derje wukubłane absolwenty se trjebaju pśedewšym w šulach, institutach a institucijach bramborskeje Dolneje Łužyce a sakskeje Górneje Łužyce, pśeto tamna serbskorěcna ludnosć ma we wobyma regionoma pśipóznaty rěcny mjeńšynowy status. Starjejše toś docakuju za swóje źiśi statnje zaruconu serbsku wucbu na dwójorěcnych šulach. Togodla póbitujomy našym studentkam a studentam praksy bliske, funděrowane wukubłanje, kótarež wuwijo a zmócnijo kompetencu a wědobnje za swójsku maminu rěc a kulturu.

 
Dokradnjejše informacije wó instituśe a studiumje namakajośo na našych internetowych bokach.