bachelor & master

Tśilětny bachelorowy studium jo prědne kwalificěrujuce wusokošulske wótzamknjenje (wótzamknjenje: „Bachelor of Arts“ w duchnych wědomnosćach; „Bachelor of Science“ w pśirodowědach). Z bachelorowym wótzamknjenim jo móžno do pówołańskego žywjenja zastupiś abo pó dwěma dalšnyma lětoma masterowy stopjeń dobyś. Bachelorowy studium se wuznamjenijo pśez samostatny kwalificěrujucy profil; studium koncentrěrujo se w zasaźe na jaden jědrowy pśedmjat a wólbny wobłuk a pósrědnjenje klucowych kwalifikacijow.

Masterowe wótzamknjenje jo dalšne kwalificěrujuce wusokošulske wótzamknjenje (wótzamknjenje: „Master of Arts“ w duchnych wědomnosćach; „Master of Science“ w pśirodowědach). Pśistupne wuměnjenje za masterowy studium jo wótzamknjony bachelorowy studium. Dwójolětny masterowy studium pśedwiźi pódłymjenje jědrowego pśedmjata  abo interdisciplinarny studium; nastupajucy profil móžo se pótakem mócnjej „na nałožowanje” resp. ”na slěźenje” orientěrowaś.

Ceptarski studium serbšćiny pśigótujo studěrujucych na pówołańske źěło w serbskich a dwójorěcnych šulach Łužyce  a dawa jim trěbne fachowe znajobnosći, zamóžnosći a metody za wědomnostne źěło a wobźěłanje wucbneje maśizny, samostatne myslenje a zagronite jadnanje. Wósebnje deje se w górno- abo/a dolnoserbšćinje wustnje a pisnje we wobłuku rěcywědy, literatury a kulturnych wědomnosćow kwalificěrowanje zwurazniś móc, wušej togo teke w drugich wucbnych pśedmjatach a w šulskem wšednem dnju. Dalej maju w swójej wokolinje ako kompetentne rěcne wobradowarje woplěwanje a zdźaržanje serbšćiny a serbskeje kultury spěchowaś a pódpěrowaś.

Filologiski studium sorabistiki dej studěrujucych na statkowanje we wědomnostnych, towarišnostnych, kulturnych, kubłańskich a politiskich institucijach pśigótowaś; dalej na statkowanje w amtach, zastojnstwach a organizacijach, kótarež se z rěcu, literaturu, kulturu, wuměłstwom a stawiznami Serbow a z Łužycu zaběraju resp. znajobnosći w toś tych wobłukach pominaju (muzeumy, biblioteki, galerije, wšakorake nakładnistwa a medije w dwójorěcnych stronach). Absolwenty  filologije mógu we wědomnosći (rěcne, literarne, kulturne, kubłańske wědomnosći) a w serbskich organizacijach, zwězkach a towaristwach statkowaś, se za woplěwanje a pósrědnjenje rěcy zwenka oficielnego kubłańskego puśa zasajźowaś (na rěcnych šulach za dorosćonych, pśi rěcnem wobradowanju a planowanju, pśestajanju a dolmetšowanju atd) a w pówušonem wobłuku słužbywugbaśowego sektora a póbitowanja za wólny cas we Łužycy a pśigranicnych stronach słowjańskich susedow (politiske, góspodarske, wědomnostne, kulturne, turistiske póśěgi) z trěbnymi rěcnymi zamóžnosćami a interkulturelnymi kompetencami statkowaś.

1. sorabistika – ako wjeliki wólbny wobłuk (6 modulow)

2. sorabistika – ako mały wólbny wobłuk (3 module)

3 module z pórucenja Instituta za sorabistiku, nanejmjenjej pak jaden rěcnopraktiski (Rěcna praksa Ia/b abo II) a jaden rěcnoteoretiski modul (Rěc a literatura I abo II).

3. sorabistika – ako jadnotliwe wólbne module
Lubowólne module z pórucenja Instituta za sorabistiku su móžne, mimo fachoweje didaktiki a modulow z importowym późělom z drugich institutow.

PÓRUCENJE  STUDIJNYCH  SMĚROW  ZA  SORABISTIKU  / SERBŠĆINU

(górno- abo dolnoserbšćinu)

Wót zymskeho semestra 2012/2013 se jano hyšći do nowego statneho eksamena imatrikulujo, nic pak do polywalentneho B.A. Pó wobpśimjeśu se wjele njezměnijo. Dokradne informacije se hyšći dodaźe.

Polyvalenter Bachelor Lehramt Grundschule mit Hauptfach Sorbisch	Polyvalenter Bachelor Lehramt Sorbisch für Mittelschule / Gymnasium
bachelor za ceptarstwo na zakładnej šuli	bachelor za ceptarstwo na srjejźnej šuli / gymnaziumje
6 semestrow = 3 lěta	6 semestrow = 3 lěta
rěcywěda; literarna wědomnosć; fachowa didaktika; rěcna praksa (górno- abo dolnoserbšćina) + kubłańske wědomnosći + šulske praktikumy	rěcywěda; literarna wědomnosć; fachowa didaktika; rěcna praksa (górno- abo dolnoserbšćina) + kubłańske wědomnosći + šulske praktikumy
+ engelšćina abo matematika abo sport abo ewangelska nabóžnina	+ 2.  pśedmjat
Master Lehramt Grundschule Sorbisch	Master Lehramt Mittelschule Sorbisch	Master Höheres Lehramt Gymnasium Sorbisch
master za ceptarstwo na zakładnej šuli	master za ceptarstwo na srjejźnej šuli	master za ceptarstwo na gymnaziumje
4 semestry = 2 lěśe	4 semestry = 2 lěśe	4 semestry = 2 lěśe
fachowa didaktika serbšćiny + kubłańske  wědomnosći  + šulske praktikumy	rěcywěda; literarna wědomnosć; fachowa didaktika; rěcna praksa (górno- abo dolnoserbšćina); stawizny kubłańske wědomnosći + praktikumy	rěcywěda; literarna wědomnosć; fachowa didaktika; rěcna praksa (górno- abo dolnoserbšćina); stawizny + kubłańske wědomnosći + šulske praktikumy
dalšne didaktiki za zakładnu šulu	+ 2. pśedmjat	+ 2. pśedmjat

Bachelor of Arts Sorabistik

bachelor za sorabistiku (filologiski studium)

6 semestrow = 3 lěta

rěcywěda; literarna wědomnosć; ludowěda; kulturne studije; rěcna praksa (górno- abo dolnoserbšćina)

+ klucowe kwalifikacije + wólbne module

Master of Arts Sorabistik

master za sorabistiku (filologiski studium)

4 semestry = 2 lěśe

rěcywěda; literarna wědomnosć; stawizny; kulturne studije; rěcna praksa (górno- abo dolnoserbšćina); pódpołdnjowosłowjańska rěč

+ wólbno-obligatoriske dopołnjujuce module